Connect with us

CRIME

ഇടമലയാർ ആന വേട്ട കേസിലെ പ്രധാന പ്രതിയെ കൊൽക്കത്ത പോലീസ് കോതമംഗലം കോടതിയിൽ ഹാജരാക്കി

Published

on

കോതമംഗലം : ഇടമലയാർ ആന വേട്ടക്കേസിലെ പ്രധാന പ്രതിയും അനധികൃത ആനക്കൊമ്പ് ശില്പ നിർമ്മാണവുമായി ബന്ധപ്പെട്ട് കൊൽക്കത്ത പോലീസിന്റെ കസ്റ്റഡിയിലുമായിരുന്ന സുധീഷ് ചന്ദ്രബാബുവിനെ കോതമംഗലം കോടതിയിൽ ഹാജരാക്കി. കോടതിയിൽ നിന്നും കസ്റ്റഡിയിൽ വാങ്ങി തുടരന്വേഷണം നടത്താനാണ് വനം വകുപ്പിന്റെ നീക്കം. ഇയാളുടെ ഭാര്യ ഉൾപ്പെടെ 53 പേരാണ് വനം വകുപ്പിന്റെ പ്രതിപ്പട്ടികയിലുള്ളത്. അന്വേഷണ കാലഘട്ടത്തിൽ ഒരാൾ മരിക്കുകയും തെളിവുകളുടെ അഭാവത്തിൽ 8 പേരെ കേസിൽ നിന്നും ഒഴിവാക്കുകയും ചെയ്തിരുന്നു.

കരകൗശല ശില്പ നിർമ്മാതാക്കളും തിരുവനന്തപുരം സ്വദേശികളുമായ സുധീഷ് ചന്ദ്രബാബുവും കുടുംബവും കൊൽക്കത്തയിലേക്ക് കുടിയേറിയവരാണ്. ഡി.ആർ.ഐ.കസ്റ്റഡിയിലെടുത്ത നാട്ടാനകളുടേതടക്കം 520 കിലോ ആനക്കൊമ്പാണ് ഇടമലയാർ ആനവേട്ടക്കേസിന്റെ പശ്ചാത്തലത്തിൽ വനം വകുപ്പ് കസ്റ്റഡിയിലെടുത്തത്. അതേസമയം കരകൗശല വിപണനമേഖലയിലെയും റിയൽ എസ്റ്റേറ്റ് മേഖലകളിലേയും കുടിപ്പകകളാണ് സംഭവത്തിനു പിന്നിലെന്നും ആരോപണമുണ്ട്.

Continue Reading
Click to comment

You must be logged in to post a comment Login

Leave a Reply

CRIME

കഞ്ചാവിന്റെ ചില്ലറ വിൽപ്പനക്കാരായ രണ്ട് യുവാക്കൾ കവളങ്ങാട്ട് എക്സൈസ് പിടിയിൽ

Published

on

കവളങ്ങാട് : കവളങ്ങാട്ട് എക്സൈസ് നടത്തിയ മിന്നൽ പരിശോധനയിൽ 1.150 കിലോ കഞ്ചാവുമായി രണ്ടുപേർ പിടിയിൽ. മങ്ങാട്ടുംപടിയിൽ ജനവാസം കുറഞ്ഞ റബ്ബർ എസ്റ്റേറ്റ് കേന്ദ്രീകരിച്ച് കഞ്ചാവ് കച്ചവടം നടത്തിവന്ന പ്രതികളെയാണ് എക്സൈസ് പിടികൂടിയത്. കവളങ്ങാട് വെള്ളാമക്കുത്ത് മറ്റക്കോടിയിൽ ഫ്രെഡിൻ (18), കതിർവേലിത്തണ്ട് നോക്കരയിൽ ജിതിൻ (കണ്ണൻ 24) എന്നിവരാണ് അറസ്റ്റിലായത്. ജിതിൻ നിരവധി കേസുകളിൽ പ്രതിയാണെന്ന് എക്സൈസ് അധികൃതർ വെളിപ്പെടുത്തി. കഴിഞ്ഞവർഷം കാറിൽ കഞ്ചാവ് കടത്തുന്നതിനിടെ ജിതിനെ അറസ്റ്റുചെയ്തിരുന്നു. കോതമംഗലത്തെ ഒരു കുപ്രസിദ്ധ കഞ്ചാവ് കച്ചവടക്കാരന്റെ കൈയ്യിൽ നിന്നും വാങ്ങിയാണ് ഇവർ വിൽപ്പന നടത്തിയിരുന്നത്. കഞ്ചാവ് വിൽപ്പനയ്ക്ക് ഉപയോഗിക്കുന്ന ബൈക്കും സ്കൂട്ടറും തൂക്കിക്കൊടുക്കാൻ ഉപയോഗിക്കുന്ന ഡിജിറ്റൽ ത്രാസും കസ്റ്റഡിയിലെടുത്തു.

ജിതിന്റെ പേരിൽ കോതമംഗലം എക്സൈസ് സർക്കിൾ, റെയ്ഞ്ച് ഓഫീസുകളിലും എറണാകുളം എക്സൈസ്പെഷ്യൽ സ്ക്വാഡിലും ഈന്നുകൽ, ആലുവ പോലീസ് സ്റ്റേഷനുകളിലും മയക്കുമരുന്ന് കേസുകളുണ്ട്. കൂടാതെ നിരവധി ക്രിമിനൽ കേസുകളിലും ടിയാൻ പ്രതിയാണ്‌. കഴിഞ്ഞ വർഷം ഇന്നോവ കാറിൽ കഞ്ചാവ് കടത്തവെ പ്രതി ജിതിനെ സി.ഐ. അറസ്റ്റ് ചെയ്തിരുന്നു. പ്രതികളെ ഇന്ന് ബഹു. കോതമംഗലം JFCMC-2 ൽ ഹാജരാക്കുന്നതാണ്. റെയ്ഡിൽ പ്രിവന്റീവ് ഓഫീസർ പി.കെ.സുരേന്ദ്രൻ, പ്രിവ. ഓഫീസർ (ഗ്രേഡ്) ടി.പി.പോൾ, സിവിൽ എക്സൈസ് ഓഫീസർ സോബിൻ ജോസ് എന്നിവർ പങ്കെടുത്തു

 

വാർത്തകൾ മൊബൈലിൽ ലഭിക്കുവാൻ ഗ്രൂപ്പിൽ ജോയിൻ ചെയ്യുക : ttps://chat.whatsapp.com/KCMfwa9yfXm04AbULBT4x3

Continue Reading

ACCIDENT

കൊറോണ സമയത്ത് വെറുതെ കറങ്ങാൻ ഇന്നോവ, അപകടത്തിൽ പൊലിഞ്ഞത് ഒരു കുടുബത്തിന്റെ അത്താണി; വനത്തിൽ ഒളിച്ചിരുന്ന പ്രതി പോലീസ് പിടിയിൽ

Published

on

കോട്ടപ്പടി : റോങ് സൈഡിലൂടെ വന്ന ഇന്നോവ കാർ ഇടിച്ചു ഓട്ടോറിക്ഷ ഡ്രൈവർ കഴിഞ്ഞ വെള്ളിയഴ്ച്ച മരണപ്പെട്ടിരുന്നു. ഇതിനെ തുടർന്നുണ്ടായ അന്വേഷണത്തിൽ പ്രതി പോലീസ് പിടിയിൽ. കൊറോണ കാലത്തേ ലോക്ക് ഡൗൺ സമയത്തു വെറുതെ കറങ്ങി നടക്കുവാൻ വേണ്ടി ഇടുക്കി പാറത്തോട് സ്വദേശിയുടെ ഇന്നോവ, കോട്ടപ്പടി മുട്ടത്തുപാറ കണ്ണംകളത്തു വീട്ടിൽ ഗിരീഷ് ബാബു (21) വാടകക്ക് എടുത്ത് കൂട്ടുകാരൻ ശരത്തിന് വണ്ടി ഓടിക്കാൻ കൊടുത്തപ്പോൾ ആണ് അപകടം ഉണ്ടാകുകയും മാത്യുവിന്റെ ജീവൻ നഷ്ടമാകുകയും ചെയ്തത്. കോട്ടപ്പടി പ്ലാമൂടി കൂവക്കണ്ടം എടാട്ട്കുടി വീട്ടിൽ ശരത് ശ്രീധരൻ (21) നെതിരെ പോലീസ് നരഹത്യ കുറ്റം ചുമത്തി കോതമംഗലം മജിസ്‌ട്രേറ്റിന്റെ മുന്നിൽ ഹാജരാക്കുകയും 14 ദിവസത്തേക്ക് മുവാറ്റുപുഴ സബ് ജയിലിലേക്ക് റിമാൻഡ് ചെയ്യുകയും ചെയ്‌തു.

വണ്ടി വാടകക്കെടുത്ത ഗിരീഷിനും ഓടിച്ച ശരത്തിനും ഡ്രൈവിംഗ് ലൈസൻസ് ഉണ്ടായിരുന്നില്ല എന്ന ഗുരുതരമായ കുറ്റം പോലീസ് വെളിപ്പെടുത്തുന്നു. ലോക്ക് ഡൗൺ സമയത്തു കറങ്ങി നടന്നപ്പോൾ കോട്ടപ്പടി സ്കൂൾ പരിസരത്തുനിന്നും വണ്ടിയിൽ കയറ്റിയ പരിചയക്കാരെയും വെച്ച് പോകുമ്പോൾ വഴിയരുകിൽ നിന്ന ചിലരുമായി പ്രശ്‌നം ഉണ്ടാക്കിയതായും കോട്ടപ്പടി പോലീസ് വെളിപ്പെടുത്തുന്നു. തുടർന്ന് വടശ്ശേരിയിൽ നിന്ന് തോളേലിക്ക് പോകുമ്പോൾ ആണ് മാത്യുവിന്റെ ഓട്ടോയുമായി കൂട്ടിയിടിക്കുന്നതും. അപകടത്തെത്തുടർന്ന് ഗിരീഷ് ഒഴിച്ച് ബാക്കിയുള്ളവർ സംഭവസ്ഥലത്തുനിന്നും ഓടി രക്ഷപെടുകയായിരുന്നു. ശരത് വാവേലി വനത്തിൽ ഒളിവിൽ കഴിയുകയുമായിരുന്നു.

ലൈസൻസ് ഇല്ലാതെ അമിത വേഗത്തിൽ അശ്രദ്ധയോടുകൂടി വാഹനം ഓടിച്ചപ്പോൾ വിട വാങ്ങിയത് കോട്ടപ്പടിയിലെ ഓട്ടോ തൊഴിലാളികളുടെ ജനകീയ മുഖം കൂടിയായിരുന്നു. തോളേലി കാക്കനാട്ട് വീട്ടിൽ പൗലോസിന്റെ മക൯ മാത്തുകുട്ടി എന്ന് വിളിക്കുന്ന മാത്യു കെ പോൾ (54) ആണ് അന്ന് നടന്ന വാഹനാപകടത്തിൽ മരണമടഞ്ഞത്. തോളേലി സ്കൂളിനും മാത്യുവിന്റെ വീടിന് അടുത്തുമുള്ള റോഡിൽ വച്ചാണ് അപകടം സംഭവിച്ചത്. എതിർ ദിശയിൽ അശ്രദ്ധമായി വന്ന ഇന്നോവ കാർ മാത്തുകുട്ടിയുടെ ഓട്ടോയുമായി കൂട്ടിയിടിക്കുകയായിരുന്നു. ഉടനെ തന്നെ മാത്തുകുട്ടിയെ കോതമംഗലത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കുവാൻ സാധിച്ചില്ല. കോട്ടപ്പടി ചേറങ്ങനാൽ കവലയിലെ ഓട്ടോ ഡ്രൈവർ ആയിരുന്നു. ബിജെപിയുടെ ജനകീയ നേതാവും സാമൂഹ്യ പ്രവർത്തകനും ആയിരുന്നു മരണപ്പെട്ട മാത്യു.

കോട്ടപ്പടി SHO ശ്രീജിത്ത് , SI സാബു എം പീറ്റർ, ASI അബ്‍ദുൾ കരിം, CPO മാരായ ഷിബു ജോൺ, രജിത് എം.ആർ തുടങ്ങിയവരാണ് അന്വേഷണം നടത്തി പ്രതിയെ പിടികൂടിയത്.

കോതമംഗലത്തിന്റെ നാട്ടു വാര്‍ത്തകള്‍ പെട്ടന്ന് അറിയുവാൻ .. Please Join Our whatsapp group…   https://chat.whatsapp.com/FiSbJIiYqa3Jq0BV3sJ4cS

Continue Reading

CRIME

ആൾതാമസ്സമില്ലാത്ത കെട്ടിടത്തിൽ നിന്നും ചാരായം വാറ്റുന്നതിനുള്ള 70 ലിറ്റർ വാഷ് കണ്ടെടുത്തു.

Published

on

vash

കോതമംഗലം : കുട്ടമ്പുഴ റേഞ്ച് എക്സൈസ് ഇൻസ്പെക്ടറുടെ നേതൃത്വത്തിൽ നേര്യമംഗലം മണിയൻ പാറയിൽ ആൾ താമസമില്ലാത്ത കെട്ടിടത്തിൽ നിന്നും ചാരായം വാറ്റുന്നതിനുള്ള 70 ലിറ്റർ വാഷ് കണ്ടെടുത്തു. രഹസ്യ വിവരത്തിന്റെയടിസ്ഥാനത്തിൽ എക്സൈസ് നടത്തിയ പരിശോധനയിലാണ് വാഷ് കണ്ടെടുത്തത്. ലോക്ക് ഡൗണിനെ തുടർന്ന് കോതമംഗലത്തെ മലയോര മേഖല കേന്ദ്രീകരിച്ച് ചാരായം വാറ്റ് വർദ്ധിക്കുന്നതിനുള്ള സാദ്ധ്യതയുണ്ടെന്ന് എക്സൈസ് ഇൻറലിജൻസിന് വിവരം ലഭിച്ചിച്ചതിനെ തുടർന്ന് മലയോര മേഖലകളിലെ പരിശോധനകൾ എക്സൈസ് ഊർജിതമാക്കി. റെയ്‌ഡിൽ കുട്ടമ്പുഴ എക്സൈസ് ഇൻസ്പെക്ടർ കെ.എ. ഫൈസൽ, പ്രിവന്റീവ് ഓഫീസർമാരായ സാജൻ പോൾ, എൻ.എ.മനോജ് (ഇന്റലിജൻസ് എറണാകുളം), സിവിൽ എക്സൈസ് ഓഫീസർമാരായ എം.കെ.ബിജു, സി.വി.കൃഷ്ണദാസ് എന്നിവർ പങ്കെടുത്തു.

വാട്ട്സ്ആപ്പിൽ വാർത്തകൾ ലഭിക്കുവാൻ കോതമംഗലം വാർത്തയുടെ ഗ്രൂപ്പിൽ ജോയിൻ ചെയ്യുക.. https://chat.whatsapp.com/DcL8RgJp47d7R9L2iom1zx

Continue Reading

Recent Updates

CHUTTUVATTOM15 mins ago

കോതമംഗലം താലൂക്കിൽ പരാതി പരിഹാര അദാലത്ത്

എറണാകുളം: കോതമംഗലം താലൂക്കിലെ പരാതി പരിഹാര അദാലത്ത് നാളെ (5-6-2020) നടക്കും. കോവിഡ് പശ്ചാത്തലത്തിൽ വീഡിയോ കോൺഫറൻസ് വഴിയാണ് അദാലത്ത് നടത്തുക. അപേക്ഷകൾ ഇന്ന് (4-6-2020) രാവിലെ...

NEWS5 hours ago

ദുബായിൽ നിന്ന് എത്തിയ പല്ലാരിമംഗലം സ്വദേശിനിക്ക് കൊറോണ സ്ഥിരീകരിച്ചു.

എറണാകുളം : മെയ് 28 ലെ ദുബായ്- കൊച്ചി വിമാനത്തിലെത്തിയ 28 വയസുള്ള പല്ലാരിമംഗലം സ്വദേശിനിക്ക് രോഗം സ്ഥിരീകരിച്ചു. ഗർഭിണിയായ ഇവർ വീട്ടിൽ നിരീക്ഷണത്തിലായിരന്നു. ഇവർക്കും രോഗലക്ഷണങ്ങളുണ്ടായിരുന്നില്ല....

EDITORS CHOICE7 hours ago

കുടുംബാരോഗ്യ കേന്ദ്രത്തിൽ ഒഴിവുകൾ

കോതമംഗലം: കുട്ടമ്പുഴ കുടുംബാരോഗ്യ കേന്ദ്രത്തിൽ ഫാർമസിസ്റ്റിന്റെ ഒരു താല്കാലിക ഒഴിവുണ്ട്. ഈ മാസം 6 ന് 5 മണിക്ക് മുൻപായി അപേക്ഷിക്കണം. ഇന്റർവ്യൂ 8 ന് രാവിലെ...

EDITORS CHOICE10 hours ago

ക്വാറൻ്റൈനിൽ പോകേണ്ടി വരുന്നവർക്ക് ഇന്ത്യക്കകത്തും പുറത്തും ആധുനിക സൗകര്യങ്ങൾ ഒരുക്കി കോതമംഗലം സ്വദേശിയുടെ ഷോയി ഇൻ്റർനാഷണൽ ശ്രദ്ധനേടുന്നു

ലണ്ടൻ : ആധുനിക സൗകര്യങ്ങളോടെ ക്വാറന്റെയിന്‍ സൗകര്യമൊരുക്കി ഷോയി ഇന്റര്‍നാഷ്ണല്‍. കൊറോണക്കാലത്ത് ക്വാറൻ്റൈനിൽ പോകേണ്ടി വരുന്നവർക്ക് ഇന്ത്യക്കകത്തും പുറത്തും ആധുനിക സൗകര്യങ്ങൾ ഒരുക്കി കോവിഡ് ദുരിതർക്ക് സാന്ത്വനമേകാൻ...

NEWS11 hours ago

പത്താം ക്ലാസ്സിൽ പഠിക്കുന്ന വിദ്യാർത്ഥിക്ക് ഓൺലൈൻ പഠന സൗകര്യമൊരുക്കി കോട്ടപ്പടിയിലെ വിദ്യാലയം.

നെല്ലിക്കുഴി : കോട്ടപ്പടി മാർ ഏലിയാസ് ഹയർ സെക്കൻഡറി സ്കൂളിൽ പത്താം ക്ലാസ്സിൽ പഠിക്കുന്ന  കുട്ടിക്ക് ഓൺലൈൻ പഠന സൗകര്യമൊരുക്കുന്നതിനായി വിദ്യാലയം കൈത്താങ്ങായി. ഓൺലൈൻ സൗകര്യം ലഭ്യമില്ലാതിരുന്നതിനാൽ...

AGRICULTURE13 hours ago

കർഷക മോർച്ച വൃക്ഷതൈ വിതരണം നടത്തി

കോതമംഗലം : ജൂൺ 5 ന് ലോക പരിസ്ഥിതി ദിനത്തോട് അനുബന്ധിച്ച് കോതമംഗലം നിയോജക മണ്ഡലത്തിലേക്ക് ആവശ്യമായ വൃക്ഷതൈകൾ കർഷകമോർച്ച നിയോജക മണ്ഡലം പ്രസിഡന്റ് പി.ജി.ശശി ബിജെപി...

AGRICULTURE13 hours ago

കർഷിക പുനരുജ്ജീവന പദ്ധതി, സുഭിക്ഷകേരളം പദ്ധതി ആരംഭിച്ചു

വാരപ്പെട്ടി : കോവിഡ് -19 മഹാമാരി മൂലം സാമ്പത്തിക – കാർഷിക മേഖലകളിൽ വെല്ലുവിളികൾ നേരിടുന്ന കേരളത്തിന് ഇതിനെ അതി ജീവിക്കുന്നതിനും ഭക്ഷ്യ സ്വയം പര്യാപ്തത കൈവരിക്കുന്നതിനുമായി...

AGRICULTURE13 hours ago

പല്ലാരിമംഗലത്ത് കർഷക സംഘം കൃഷി ആരംഭിച്ചു.

പല്ലാരിമംഗലം: കേരള സർക്കാരിന്റെ സുഭിക്ഷ കേരളം പദ്ധതിയുടെ ഭാഗമായി പല്ലാരിമംഗലം വില്ലേജിൽ തരിശ് ഭുമിയിൽ കേരള കർക സംഘത്തിന്റെ നേതൃത്വത്തിൽ കൃഷിക്ക് തുടക്കമായി. പല്ലാരിമംഗലം വെയ്റ്റിംഗ് ഷെഡ്...

NEWS13 hours ago

ഓൺലൈൻ പഠനത്തിന് കുട്ടികൾക്ക് കൈത്താങ്ങായി ‘സ്മാർട്ട് ടാബ്‌ലറ്റ് സ്‌കീം’

കോതമംഗലം : ഓൺലൈൻ വിദ്യാഭ്യാസം ലോകത്ത് ഒരു വലിയ പരിവർത്തനത്തിന് തുടക്കം കുറിച്ചിരിക്കുകയാണ്. കേരളവും ആ മാറ്റത്തിനൊപ്പം സഞ്ചരിക്കുന്നു. എല്ലാ കുട്ടികൾക്കും ഏറ്റവും മികച്ച അധ്യാപകരുടെ സേവനം...

NEWS13 hours ago

റീ സൈക്കിൾ കേരളയിലേക്ക് ബൈക്കും, സൈക്കിളും, ടെലിവിഷനും, ഫ്രിഡ്ജും, വാഷിംഗ് മെഷീനും, കമ്പ്യൂട്ടറും നൽകി.

കോതമംഗലം : മുഖ്യമന്ത്രിയുടെ ദുരിതാശ്വാസ നിധിയിലേക്ക് ഭാര്യയുടേയും, ഭർത്താവിന്റേയും ശമ്പളം നൽകിയത് കൂടാതെ ദുരിതാശ്വാസ നിധിയിലേ പണം സമാഹരിക്കുന്നതിനായി ഡി വൈ എഫ് ഐ നടത്തുന്ന റീസൈക്കിൾ...

NEWS13 hours ago

കോതമംഗലം – തട്ടേക്കാട് റോഡിൽ തകർന്ന കലുങ്കിന് ശാപമോക്ഷമാകുന്നു.

കോതമംഗലം : കോതമംഗലം – തട്ടേക്കാട് റോഡിൽ പുന്നേക്കാട് – കളപ്പാറയ്ക്കു സമീപം തകർന്ന കലുങ്കിന് ശാപമോക്ഷമാകുന്നു. അടിയന്തരമായി തകർന്ന കലുങ്ക് പുനർ നിർമ്മിക്കുന്നതിനു വേണ്ടി 20...

CHUTTUVATTOM13 hours ago

ഡി ഇ ഓ ഓഫീസ് ഉപരോധിച്ചു കെ എസ് യു .

മുവാറ്റുപുഴ : വാളാഞ്ചേരിയോലെ ദേവിക എന്ന വിദ്യാർത്ഥിനി യുടെ ആത്മഹത്യക്ക് ഉത്തരവാദിത്വം ഏറ്റെടുത്ത് വിദ്യാഭ്യാസ മന്ത്രി രാജിവയ്ക്കുക, മുഴുവൻ വിദ്യാർത്ഥികൾക്കും ഓൺലൈൻ പഠന സൗകര്യം ഏർപ്പെടുത്തുക എന്നീ...

CHUTTUVATTOM13 hours ago

യൂത്ത് കോൺഗ്രസ് കോതമംഗലം മണ്ഡലം കമ്മിറ്റി കോതമംഗലം പോലീസ് സ്റ്റേഷനിൽ മഴ കോട്ട് നൽകി

കോതമംഗലം : കോവിഡ് കാലത്ത് രാപ്പകലില്ലാതെ സേവനം ചെയ്യുന്ന കോതമംഗലം പോലീസ് സേനയിലെ അംഗങ്ങൾക്കാണ് യൂത്ത് കോൺഗ്രസ് കോതമംഗലം മുനിസിപ്പൽ മണ്ഡലം കമ്മിറ്റി മഴക്കോട്ട് നൽകിയത്. യൂത്ത്...

CRIME14 hours ago

കഞ്ചാവിന്റെ ചില്ലറ വിൽപ്പനക്കാരായ രണ്ട് യുവാക്കൾ കവളങ്ങാട്ട് എക്സൈസ് പിടിയിൽ

കവളങ്ങാട് : കവളങ്ങാട്ട് എക്സൈസ് നടത്തിയ മിന്നൽ പരിശോധനയിൽ 1.150 കിലോ കഞ്ചാവുമായി രണ്ടുപേർ പിടിയിൽ. മങ്ങാട്ടുംപടിയിൽ ജനവാസം കുറഞ്ഞ റബ്ബർ എസ്റ്റേറ്റ് കേന്ദ്രീകരിച്ച് കഞ്ചാവ് കച്ചവടം...

idukki sairan idukki sairan
NEWS1 day ago

ഇടുക്കി ഡാമിൽ ആദ്യ പരീക്ഷണ സൈറണ്‍ മുഴങ്ങി.

ചെറുതോണി : ഇടുക്കി ഡാമിലെ ജലനിരപ്പു മുന്നറിയിപ്പിന് മുന്നോടിയായി ഇന്ന് ( ജൂണ്‍ -2 ) രാവിലെ 11.20 ഓടെ ആദ്യ പരീക്ഷണ സൈറണ്‍ മുഴങ്ങി. ട്രയല്‍...

Trending