കോതമംഗലം  : കേരള സംസ്ഥാന വ്യാപാരി വ്യവസായി സമിതി കോതമംഗലം ഏരിയ കമ്മിറ്റിയുടെ നേതൃത്വത്തിൽ പോസ്റ്റ് ഓഫീസിനു മുൻപിൽ പ്രതിഷേധ ധർണ നടത്തി.
ഭക്ഷ്യ ഉൽപ്പന്നങ്ങൾക്ക് മേൽ അന്യായമായി ഏർപ്പെടുത്തിയ അഞ്ച് ശതമാനം ജിഎസ്ടി പിൻവലിക്കുക, പേപ്പർ ക്യാരിബാഗിന്റെ 18% ജിഎസ്ടി പിൻവലിക്കുക, വിലക്കയറ്റം രൂക്ഷമാക്കുന്ന ജി എസ് ടി കൗൺസിലിന്റെ ജനവിരുദ്ധ നയങ്ങൾ തിരുത്തുക എന്നീ മുദ്രാവാക്യങ്ങൾ ഉയർത്തിയാണ് ധർമ്മസമരം സംഘടിപ്പിച്ചത്. സംസ്ഥാന കമ്മിറ്റിയുടെ ആഹ്വാനപ്രകാരം കേരളത്തിലെ മുഴുവൻ ഏരിയ കേന്ദ്രങ്ങളിലും ഇന്ന് സമരം നടത്തുന്നുണ്ട്. സിപിഐഎം കോതമംഗലം ഏരിയ സെക്രട്ടറി ശ്രീ കെ എ ജോയ് സമരം ഉദ്ഘാടനം നിർവഹിച്ചു . വ്യാപാരി വ്യവസായി സമിതി ഏരിയ പ്രസിഡൻറ് എം യു അഷ്റഫ് അധ്യക്ഷത വഹിച്ച സമരം ജില്ലാ കമ്മിറ്റി അംഗങ്ങളായ കെ.എം പരീത് , പി എച്ച് ഷിയാസ് , ഏരിയ വൈസ് പ്രസിഡന്റ് ജോഷി അറക്കൽ തുടങ്ങിയവർ സംസാരിച്ചു. ഏരിയ സെക്രട്ടറി കെ എ നൗഷാദ് സ്വാഗതവും ഏരിയ ട്രഷറർ കുര്യാക്കോസ് കെ എ നന്ദിയും അർപ്പിച്ചു.

കോതമംഗലം : റോട്ടറി ക്ലബ്ബിന് സമീപം തങ്കളം -കാക്കനാട് നാലുവരി പാതയിൽ നിന്ന് വിമലഗിരി ബൈപാസിലേക്ക് ഇറങ്ങി ചെല്ലുന്ന വളവിലെ കുഴിയിൽ വീണ് മുട്ടിൽ നിന്നും ചോര ഒലിപ്പിച്ചു നിൽക്കുന്ന സ്കൂട്ടർ യാത്രകാരന്റെ അവസ്ഥ കോതമംഗലം ജനകീയ കൂട്ടായ്മ പ്രവർത്തകർ ഏറ്റെടുക്കുകയും പ്രശ്‌ന പരിഹാരത്തിനായി ഇടപെടൽ നടത്തുകയുമായിരുന്നു.നിരവധി ഇരുചക്ര വാഹന യാത്രക്കാരാണ് ഇവിടെ അപകടത്തിൽപെട്ടത്. തുടർന്ന് ഇന്ന് രാവിലെ റോട്ടറി ക്ലബിന് സമീപം അപകടം ഉണ്ടാക്കിയിരുന്ന കുഴികൾ അധികൃതർ അടക്കുവാനുള്ള നടപടികൾ കൈകൊള്ളുമയായിരുന്നു. ഈ വിഷയത്തിൽ അടിയന്തിര പരിഹാരം കൈകൊണ്ട അധികാരികൾക്ക് കോതമംഗലം ജനകീയകൂട്ടായ്മ കോഓർഡിനേറ്റേഴ്സ് ആയ അഡ്വ. രാജേഷ് രാജൻ,ജോർജ്എടപ്പാറ, എബിൻഅയ്യപ്പൻ,ബോബി ഉമ്മൻ എന്നിവർ നന്ദി രേഖപ്പെടുത്തി.

കോതമംഗലം : കോതമംഗലത്ത് സി ഐ ടി യു , കർഷക സംഘം ,കർഷക തൊഴിലാളി യൂണിയൻ സംയുക്തമായി സാമൂഹിക് ജാഗരൺ കാൽ നാട പദയാത്ര നടത്തി. കോതമംഗലം വെസ്റ്റ് മണ്ഡലം ജാഥ കർഷക സംഘം ജില്ല ജോ .സെക്രട്ടറി ആർ അനിൽ കുമാർ ഉദ്ഘാടനം ചെയ്തു. പൗലോസ് കെ മാത്യു അധ്യക്ഷനായി. നഗരസഭ വികസന സ്ഥിരം സമിതി അധ്യക്ഷൻ കെഎ നൗഷാദ് സ്വാഗതം പറഞ്ഞു. സി ഐ ടി യു കോതമംഗലം ഏരിയ ജോയിന്റ് സെക്രട്ടറി ജോഷി അറയ്ക്കൽ ,കർഷക സംഘം വില്ലേജ് പ്രസിഡൻ്റ് കെ എ കുര്യാക്കോസ് , എം യു അഷറഫ് , സി എസ് ജോണി , സാബു തോമസ് ,പി എസ് ബിജു ,സജി മാടവന എന്നിവർ സംസാരിച്ചു. പദയാത്ര തങ്കളത്ത് നിന്ന് ആരംഭിച്ച് മാതിരപ്പിള്ളി പള്ളിപ്പടിയിൽ സമാപിച്ചു. സമാപനം സമ്മേളനം ഏരിയ സെക്രട്ടറി കെ എ ജോയി ഉദ്ഘാടനം ചെയ്തു . സി ഐ ടി യു ഏരിയ സെക്രട്ടറി സി പി എസ് ബാലൻ അധ്യക്ഷനായി.