Connect with us

CHUTTUVATTOM

കൊറോണയെ ചെറുക്കാൻ ചെറുവട്ടൂർ ഗവ.മോഡൽ ഹയർ സെക്കന്ററി സ്കൂൾ പി.ടി.എ. ഹെൽപ്പ്സെൽ സേവനം ഒരുക്കുന്നു

Published

on

നെല്ലിക്കുഴി : മഹാമാരിയായ കോവിഡ്  19നെ പ്രതിരോധിക്കുന്ന പ്രവർത്തനങ്ങളോട് ചെറുവട്ടൂർ ഗവ.മോഡൽ ഹയർ സെക്കന്ററി സ്കൂൾ പി.ടി.എ.യും കണ്ണിചേരുന്നു.
സ്കൂളിലെ കുട്ടികൾ, രക്ഷിതാക്കൾ എന്നിവരിലേക്ക് ആരോഗ്യ വകുപ്പുമായി ചേർന്ന് ശാസ്ത്രീയമായ ബോധവൽക്കരണവും ജാഗ്രതാ മാർഗ്ഗ നിർദ്ദേശവും നവമാധ്യമങ്ങളുടെയടക്കം സഹായത്തോടെ എത്തിക്കുന്നതിനാണ് പ്രഥമപരിഗണന.

അതോടൊപ്പം ഈ വിദ്യാലയ പരിധിയിലെ കുട്ടികളും അവരുടെ കുടുംബാംഗങ്ങളുമായിട്ടുള്ള ആരെങ്കിലും മുൻകരുതലിന്റെ ഭാഗമായി ഏതെങ്കിലും കാരണത്താൽ ക്വാറന്റയിൻ നിർദ്ദേശിക്കപ്പെടുന്നുണ്ട് എങ്കിൽ അത്തരത്തിൽ റിപ്പോർട്ട് ചെയ്യപ്പെടുന്നവർക്ക് വീട്ടിലെസ്വയംനിരീക്ഷണ കാലത്ത് ഭക്ഷണം, മരുന്ന്, അടിസ്ഥാന ആവശ്യങ്ങൾ എന്നിവയുടെ ബുദ്ധിമുട്ട് നേരിടുന്നുണ്ടെങ്കിൽ കോവിഡ് പ്രതിരോധ പ്രവർത്തനങ്ങൾ ഏകോപിപ്പിക്കുന്ന ബന്ധപ്പെട്ട ആരോഗ്യ വകുപ്പ് ഉദ്യോഗസ്ഥരുടേയും
പഞ്ചായത്ത് അധികൃതരുടേയും മാർഗ്ഗനിർദ്ദേശാനുസരണം ഇടപെട്ട് ആവശ്യമായ സൗകര്യങ്ങൾ ഒരുക്കിക്കൊടുക്കുന്ന പ്രത്യേക ഹെൽപ്പ് സെൽ സംവിധാനമാണ് സ്കൂൾ
PTA യുടെ മേൽനോട്ടത്തിൽ ആരംഭിക്കുന്നത്. ആവശ്യാനുസരണം അവധിക്കാലത്തുടനീളം പ്രവർത്തിയ്ക്കുന്ന തരത്തിലായിരിക്കും ഹെൽപ്പ് സെല്ലിന്റെ പ്രവർത്തനം ക്രമീകരിക്കുന്നത്.

ഇതിനായി സ്കൂളിലെ PTAഭാരവാഹികൾ അധ്യാപകർ, എസ്.എം.ഡി.സി. അംഗങ്ങൾ, പൂർവ്വ വിദ്യാർത്ഥികൾ, പൂർവ്വാധ്യാപകർ, സ്കൂൾ സെക്യൂരിറ്റി കൗൺസിൽ പ്രതിനിധികൾ, നാട്ടിലെ ഗ്രന്ഥശാലകൾ, ക്ലബ്ബുകൾ ഉൾപ്പെടുന്ന കൂട്ടായ്മകളുടെ സന്നദ്ധ സേവനവും വിഭവശേഷിയും ഹെൽപ്പ് സെൽ പ്രവർത്തനത്തിനായി പ്രയോജനപ്പെടുത്തും.
24 മണിക്കൂറും ലഭിക്കുന്ന തരത്തിലായിരിക്കും
ഹെൽപ്പ് സെൽ സേവനം.

കോതമംഗലം നിയോജക മണ്ഢലത്തിലെ ആദ്യത്തെ മികവിന്റെ വിദ്യാലയമായി സംസ്ഥാന സർക്കാർ പ്രഖ്യാപിച്ചിരിക്കുന്ന ചെറുവട്ടൂർ ഗവ.മോഡൽ ഹയർ സെക്കന്ററി സ്കൂളിലെ കുട്ടികളെയും രക്ഷിതാക്കളെയും കൊറോണ ഭീതിയിൽ നിന്നും വിമുക്തമാക്കി ആരോഗ്യ സുരക്ഷാബോധവും ആത്മവിശ്വാസവും പകരുന്നതിനാണ്
ഈ ഹെൽപ്പ്സെൽ പ്രവർത്തനത്തിലൂടെ PTA ലക്ഷ്യമിടുന്നത്.

താഴെകൊടുക്കുന്ന ഹെൽപ്പ്സെൽ നമ്പറുകളിൽ ബന്ധപ്പെട്ട് ഏതുസമയത്തും സേവനം ആവശ്യപ്പെടാം. വളർച്ചയിൽനിന്നും വളർച്ചയിലേക്ക് മുന്നേറുന്ന ഈ വലിയ വിദ്യാലയത്തിന് അതിന്റെ ഭാഗമായി നിലകൊള്ളുന്ന കുട്ടികളെയും രക്ഷിതാക്കളെയും ലോക ദുരന്തമായ മഹാമാരിയുടെ കാലത്ത് യാതൊരുവിധ തളർച്ചയും വരാതെ കാത്തു രക്ഷിയ്ക്കാനുള്ള സ്ഥാപനപരമായ ഉത്തരവാദിത്വമുണ്ട്. ആ ലക്ഷ്യത്തിലും സാമൂഹിക പ്രതിബദ്ധതയിലുമാണ് പൊതുവിദ്യാലയമെന്ന സാമ്പത്തിക പരിമിതികൾക്കിടയിലും ഹെൽപ്പ്സെൽ പ്രവർത്തനവുമായി PTA മുന്നിട്ടിറങ്ങുന്നത്.

മാരകമായ നോവൽ കൊറോണ വൈറസിനെ തുരത്താനുള്ള ലോകജനതയുടെ മഹായുദ്ധത്തിൽ ഇന്ത്യയോടൊപ്പം, കേരളത്തോടൊപ്പം, നിങ്ങൾ ഓരോരുത്തർക്കുമൊപ്പം ചെറുവട്ടൂർ ഗവ.മോഡൽ ഹയർ സെക്കന്ററി സ്കൂളുമുണ്ടാകും..
പ്രിയരേ,നമുക്ക് ഒറ്റക്കെട്ടായി മഹാവിപത്തായ കൊറോണയെ ചങ്കുറപ്പോടെ നേരിടാം…

ഹെൽപ്പ്സെൽ ഫോൺ നമ്പറുകൾ:👇👇👇👇👇

1.9633272889- PTA President
2. 9400648091- PTA Vice Presi:
3.9562979053-MPTA President
4 .9497276977- Staff Sec: HSS 5.9947977894- Staff Sec: HS
6.8113859711-Teachers Rep:
7. 9074305593- PTA Membr
8. 99468O7566- ” Mbr
9. 9446885427 – ” Mbr
10.9447054532 – ” Mbr 11.9495673936-SMDC Chair:
12. 9447872127- PSA Presi:
13. 94462 08733- ExPTA Presi:
14. 9847547082- Secu: Co: Rep
15. 7907873211-SportsTeacher
(പി.എം.റഷീദ / കെ. മൈമൂന
പ്രിൻസിപ്പൽ ഹെഡ്മിസ്ട്രസ്സ് )

Continue Reading

CHUTTUVATTOM

മണ്ണ് കടത്ത് കേസിൽ പഞ്ചായത്ത് പ്രസിഡന്റും, വാർഡ് മെമ്പറും രാജിവയ്ക്കുക; സി പി ഐ എം പ്രതിഷേധം.

Published

on

പല്ലാരിമംഗലം : പല്ലാരിമംഗലം പഞ്ചായത്തിലെ രണ്ടാം വാർഡിൽ ഈട്ടിപ്പാറ – മോഡേൺ പടി റോഡ് കുഴിച്ച് അനധികൃതമായി മണ്ണ് കടത്തിക്കൊണ്ടു
പോയെന്ന് കാണിച്ച് പല്ലാരിമംഗലം ഗ്രാമ പഞ്ചായത്ത് സെക്രട്ടറി പോത്താനിക്കാട് പോലീസിൽ കൊടുത്ത പരാതിയിൽമേൽ പ്രതികളായി പേര് ചേർക്കപ്പെട്ട പഞ്ചായത്ത് പ്രസിഡന്റ് പി കെ മൊയ്തുവും, വാർഡ് മെമ്പർ ഷാജിമോൾ റഫീഖും രാജിവയ്ക്കണമെ ന്നാവശ്യപ്പെട്ട് സി പി ഐ എം പല്ലാരിമംഗലം ലോക്കൽ കമ്മിറ്റിയുടെ ആഭിമുഖ്യത്തിൽ ഗ്രാമപഞ്ചായത്ത് ഓഫീസിന് മുന്നിലും, പാർട്ടിയുടെ പതിനാല് ബ്രാഞ്ച് കേന്ദ്രങ്ങളിലും സമരം സംഘടിപ്പിച്ചു. പഞ്ചായത്ത് ഓഫീസിന് മുന്നിൽ നടന്ന സമരം
സി പി ഐ എം ജില്ലാ കമ്മിറ്റി അംഗ് പി എൻ ബാലകൃഷ്ണൻ ഉദ്ഘാടനം ചെയ്തു.

ലോക്കൽ കമ്മിറ്റി സെക്രട്ടറി എം എം ബക്കർ അദ്ധ്യക്ഷത വഹിച്ചു. വിവിധ കേന്ദ്രങ്ങളിൽ നടന്ന സമരങ്ങൾ ഏരിയാ കമ്മിറ്റി അംഗം കെ ബി മുഹമ്മദ്, ബ്ലോക് പഞ്ചായത്ത് അംഗം ഒ ഇ അബ്ബാസ്, ഗ്രാമ പഞ്ചായത്തംഗങ്ങളായ എ എ രമണൻ, എ പി മുഹമ്മദ്, മുബീന ആലിക്കുട്ടി, ലോക്കൽ കമ്മിറ്റി അംഗങ്ങൾ എന്നിവർ ഉദ്ഘാടനം ചെയ്തു. പഞ്ചായത്തിന്റെ അനുമതിയില്ലാതെ ടാർ റോഡ് കുഴിച്ച് ഇരുന്നൂറ് ലോഡ്മണ്ണ് കടത്തിക്കൊണ്ടുപോയി വിൽപന നടത്തി എന്നതാണ് പോലീസ് കേസ്. മുസ്ലിം ലീഗ് പഞ്ചായത്ത് കമ്മിറ്റിയുടെ ജനറൽ സെക്രട്ടറി കൂടിയായ കെ എം മൈതീൻ
കുറിഞ്ഞിലിക്കാട്ട്, സി പി ഐ എം ലോക്കൽ കമ്മിറ്റി എന്നിവരാണ് വിഷയം ചൂണ്ടിക്കാട്ടി ഗ്രാമപഞ്ചായത്ത് സെക്രട്ടറിക്ക് പരാതി നൽകിയിട്ടുള്ളത്. തദ്ദേശ സ്വയംഭരണ വകുപ്പ് മന്ത്രി, വിജിലൻസ് ആന്റി കറപ്ഷൻ ബ്യൂറോ, കളക്ടർ എന്നിവർക്കും സി പി എം പരാതി നൽകിയിട്ടുണ്ട്.

Continue Reading

CHUTTUVATTOM

സ്വന്തം ഗ്രാമം ശുചീകരിച്ച് സി.പി.ഐ.(എം) മണിക്കിണർ ബ്രാഞ്ചിലെ ഒരു കൂട്ടം യുവാക്കൾ നാടിന് മാതൃകയാകുന്നു.

Published

on

നെല്ലിമറ്റം: കൊറോണ വ്യാപനം തടയാൻ കേന്ദ്ര സംസ്ഥാന സർക്കാരുകളും ആരോഗ്യ പ്രവർത്തകരും മറ്റും വിശ്രമമില്ലാതെ പൊതു സമൂഹത്തിന്റെ ആരോഗ്യസംരക്ഷണത്തിനും രോഗവ്യാപനം തടയുന്നതിനുമായി രാപകലില്ലാതെ കഷ്ടപ്പെടുകയാണ്.ഇതിനിടയിൽ നാട്ടുകാർക്ക് വലിയ ആശ്വാസവും മറ്റ് ഉള്ളവർക്ക് പ്രചോദനവും നൽകുന്ന രീതിയിൽ പല്ലാരിമംഗലം പഞ്ചായത്തിലെ മണിക്കിണർ വാളാച്ചിറ ഗ്രാമത്തിലെ ഒരു പറ്റം സി.പി.എം പ്രവർത്തകരായ ചെറുപ്പക്കാർ തങ്ങളുടെ ഗ്രാമവഴികൾ ശുചീകരിച്ചത്.

വലിയ കല്ലുകളും മാലിന്യ കൂമ്പാരങ്ങളും നീക്കം ചെയ്ത് ഗ്രാമം ശുചീകരിച്ചു. ശുചീകരണ പ്രവർത്തനങ്ങൾക്ക് സി.പി.എം.മണിക്കിണർ ബ്രാഞ്ച് സെക്രട്ടറി ജോസ് വർഗ്ഗീസ്, സി.പി.എം,ഡി.വൈ.എഫ് ഐ പ്രവർത്തകരായ റിയാസ് തുരുത്തേൽ, സജീവ് മുളമ്പേൽ, മാഹിൻ കെ.എം, ഷംസു കടുപ്പം കുടി, ജയിംസ് കെ.എം, എബിജയിംസ്, റ്റിബിൻ എൽദോസ് ,ഷഫീക്ക് നാസർ, അഷറഫ് എ.ഇ.തുടങ്ങിയവർ ശുചീകരണ പ്രവർത്തനങ്ങൾക്ക് നേതൃത്വം നൽകി.

Continue Reading

CHUTTUVATTOM

സി പി ഐ എം മഴക്കാലപൂർവ്വ ശുചീകരണം നടത്തി.

Published

on

പല്ലാരിമംഗലം : പകർച്ചവ്യാധി പ്രതിരോധ പ്രവർത്തനങ്ങളുടെ ഭാഗമായി സി പി ഐ എം സംസ്ഥാന കമ്മിറ്റിയുടെ ആഹ്വാന പ്രകാരം എല്ലാ പാർട്ടി ബ്രാഞ്ച് കേന്ദ്രങ്ങളിലും നടത്തുന്ന മഴക്കാല പൂർവ്വ ശുചീകരണ പ്രവർത്തനം അടിവാട് ഈസ്റ്റ് ബ്രാഞ്ചിൽ റിട്ടയേർഡ് പോലീസ് സബ് ഇൻസ്പെക്ടർ കെ എ മുഹമ്മദ് ഉദ്ഘാടനം ചെയ്തു.

ബ്ലോക് പഞ്ചായത്തംഗം ഒ ഇ അബ്ബാസ്, ബ്രാഞ്ച് സെക്രട്ടറി പി എം സിയാദ്, മുൻ ബ്രാഞ്ച് സെക്രട്ടറി പി എം കബീർ, ഡി വൈ എഫ് ഐ യൂണിറ്റ് സെക്രട്ടറി എൽദോസ് ലോമി, പ്രസിഡന്റ് കെ എ റെയ്ഷാൻ, എം എം ഷംസുദ്ധീൻ എന്നിവർ നേതൃത്വം നൽകി. ശുചീകരണ ശേഷം അടിവാട് തെക്കേ കവല അണു വിമുക്തമാക്കുന്ന പ്രവർത്തനവും നടത്തി.

Continue Reading

Trending