Connect with us

AGRICULTURE

കോതമംഗലത്തിന്റെ മണ്ണിൽ ആസ്സാം ചുരക്ക ; 7 കിലോയോളം വരുന്ന ഭീമൻ ചുരക്ക കൗതുകമാകുന്നു.

Published

on

  • ദീപു ശാന്താറാം

കോതമംഗലം: ആസ്സാം ചുരക്ക വിത്ത് കേരള മണ്ണിൽ പരീക്ഷിച്ചപ്പോൾ ജിജോക്ക് ലഭിച്ചത് അതിശയിപ്പിക്കുന്ന വിളവ്. കോതമംഗലം കരിങ്ങഴ ആറ്റുപുറം ജിജോ തോമസിൻ്റെ വീടിനോട് ചേർന്നുള്ള കൃഷിയിടത്തിലാണ് 7 കിലോയോളം തൂക്കം വരുന്ന ഭീമൻ ചുരക്കകൾ വിളഞ്ഞു നിൽക്കുന്നത്. കോതമംഗലം മാർക്കറ്റിൽ വ്യാപാരം നടത്തുന്ന ജിജോക്ക് ആസ്സാം സ്വദേശിയായ ഷിഹാബുദ്ദീൻ എന്ന സുഹൃത്താണ് അത്യുത്പാദന ശേഷിയുള്ള ഹൈബ്രിഡ് ചുരക്ക വിത്തുകൾ നൽകിയത്. കൃഷിയിൽ തൽപരനായ ജിജോയും കോതമംഗലം നഗരസഭാംഗമായ ഭാര്യ സിന്ധുവും ചേർന്നാണ് ചുരക്ക നട്ടത്.

ചാണകം, കടല കൊപ്ര തുടങ്ങിയ തികച്ചും ജൈവ രീതിയിലുള്ള വളങ്ങൾ മാത്രമാണ് കൃഷിക്ക് ഉപയോഗിച്ചത്. നാട്ടുകാർക്കും, നഗരത്തിലെകൂട്ടുകാർക്കും, ബന്ധുക്കൾക്കും സൗജന്യമായി വിളവ്പങ്കുവച്ചാണ്കൃഷി തോട്ടത്തിൽ നിന്നും ആദ്യമായി ലഭിച്ച കൂറ്റൻ ചുരക്കകളുടെ വിളവെടുപ്പ് ഗംഭീരമാക്കിയത്.


സാധാരണ നമ്മുടെ നാട്ടിൽ ഒരു ചുരക്കക്ക് പരമാവധി 2കിലോ മാത്രം വിളവ്‌ ലഭിക്കുന്നിടത്താണ് ജിജോക്ക് 4 മടങ്ങോളം അധിക വിളവ് ലഭിച്ചത്. ആസ്സാമിൽ നിന്നും പലതരം പച്ചക്കറികളുടെ കൂടുതൽ വിത്തുകൾ ശേഖരിച്ച് കൃഷി വിപുലമാക്കാനാണ് ജിജോ പദ്ധതിയിടുന്നത്.

കൃഷി അറിവുകൾ പങ്കുവെക്കുവാൻ ജിജോയുമായി ബന്ധപ്പെടാം : 9387289577 / 8547328078.

AGRICULTURE

കേരള കോൺഗ്രസ് (എം) നിൽപ്പ് സമരം നടത്തി; സാമ്പത്തിക പാക്കേജ് കർഷകരോടുള്ള വെല്ലുവിളിയാണെന്ന് ജില്ലാ പ്രസിഡൻറ് ഷിബു തെക്കുംപുറം

Published

on

കൊച്ചി : കേന്ദ്ര സംസ്ഥാന സർക്കാരുകളുടെ കർഷക അവഗണനയിൽ പ്രതിഷേധിച്ച് കേരള കോൺഗ്രസ് (എം) ജില്ലാ കമ്മിറ്റിയുടെ നേതൃത്വത്തിൽ 14 നിയോജകമണ്ഡലം കേന്ദ്രങ്ങളിൽ നിൽപ്പ് സമരം നടത്തി. കേന്ദ്ര ഗവൺമെൻറ് സാമ്പത്തിക പാക്കേജ് കർഷകരോടുള്ള വെല്ലുവിളിയാണെന്ന് ജില്ലാ പ്രസിഡൻറ് ഷിബു തെക്കുംപുറം പറഞ്ഞു. കണയന്നൂർ താലൂക്ക് ഓഫീസിനു മുന്നിൽ നടത്തിയ സമരം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

5 ലക്ഷം വരെയുള്ള കർഷകകടങ്ങൾ എഴുതിത്തള്ളണമെന്നും, അടിയന്തരമായി പതിനായിരം രൂപ സാമ്പത്തിക സഹായം നേരിട്ട് നൽകണമെന്നും ഷിബു ആവശ്യപ്പെട്ടു. സംസ്ഥാന ജനറൽ സെക്രട്ടറി സേവി കുരിശു വീട്ടിൽ, ബെന്നി മണവാളൻ, കെ.വി വർഗീസ്, സോണി ജോബ്, ജോഷ്വ തായങ്കരി, ടോമി കുരിശുവീട്ടിൽ, ഗ്രേസി ആൻറണി, സാബു ചേരാനല്ലൂർ,അന്റണി നെല്ലിശ്ശേരി, ജോയി വടുതല, അജേഷ് ജോസഫ് എന്നിവർ പങ്കെടുത്തു.

വിവിധ നിയോജക മണ്ഡലം കേന്ദ്രങ്ങളിൽ നടത്തിയ സമരം അങ്കമാലി തോമസ് ഉണ്ണിയാടൻ, പിറവം ഫ്രാൻസിസ് ജോർജ്ജ്, മൂവാറ്റുപുഴ ജോണിനെല്ലൂർ, കോതമംഗലം ടു.യു കുരുവിള, തൃക്കാക്കര വിൻസൻറ് ജോസഫ്, കുന്നത്തുനാട് ബേബി വട്ടക്കുന്നേൽ, പെരുമ്പാവൂർ ജോസ് വള്ളമറ്റം, കളമശ്ശേരി സേവി കുരിശുവീട്ടിൽ, പറവൂർ തോമസ് ഉണ്ണിയാടൻ, തൃപ്പൂണിത്തുറ ജോണി അരീകാട്ടിൽ, വൈപ്പിൻ കെ.വി വർഗീസ്, കൊച്ചി സോണി ജോബ്, ആലുവ ജോസഫ് വടശ്ശേരി, തുടങ്ങിയവർ ഉദ്ഘാടനം നിർവ്വഹിച്ചു.

Continue Reading

AGRICULTURE

തെങ്ങിൻ തൈകൾ വിതരണം ചെയ്തു.

Published

on

കോതമംഗലം: ഹരിതം സഹകരണം പദ്ധതിയുടെ ഭാഗമായി കവളങ്ങാട് സർവ്വീസ് സഹകരണ ബാങ്ക് കുറ്റ്യാടി തെങ്ങിൻ തൈകൾ വിതരണം ചെയ്തു. തൈകളുടെ വിതരണോദ്ഘാടനം ആന്റണി ജോൺ എംഎൽഎ നിർവ്വഹിച്ചു. ചടങ്ങിൽ ബാങ്ക് പ്രസിഡന്റ് കെ ബി മുഹമ്മദ്, ബോർസ് മെമ്പർമാരായ കെ കെ ലെവൻ,നാഷാദ് റ്റി എച്ച്,അനസ് എസ് എം,മാണി പി കെ,വിനയൻ പി ബി,നാഷാദ് ഹസ്സൻ,മിനി ജിജോ,ലിസ്സി ജോർജ്,സുമ ശിവൻ,ബാങ്ക് സെക്രട്ടറി പി കെ മധുസൂദനൻ തുടങ്ങിയവർ പങ്കെടുത്തു.

Continue Reading

AGRICULTURE

കേരള കോൺഗ്രസ് എം ജൈവ മിത്ര പദ്ധതിക്ക് തുടക്കം കുറിച്ചു

Published

on

കോതമംഗലം: ജൈവകൃഷിയിലൂടെ മാത്രമേ ജനങ്ങളുടെ ആരോഗ്യം സംരക്ഷിക്കാൻ കഴിയൂ എന്ന് കേരള കോൺഗ്രസ് എം പാർട്ടി വർക്കിങ് ചെയർമാൻ പി ജെ ജോസഫ് പറഞ്ഞു. കേരള കോൺഗ്രസ് എം ജില്ലാ കമ്മിറ്റിയുടെ ആഭിമുഖ്യത്തിൽ വിഷ രഹിത പച്ചക്കറി ഉൽപ്പാദനത്തിൽ സ്വയംപര്യാപ്തത ലക്ഷ്യമിട്ട് ആരംഭിക്കുന്ന ജൈവ മിത്രം പദ്ധതിയുടെ ഉദ്ഘാടനം നിർവഹിക്കുകയായിരുന്നു അദ്ദേഹം. ജില്ലയിലെ 2000 കേന്ദ്രങ്ങളിലാണ് പാർട്ടി പ്രവർത്തകരുടെ നേതൃത്വത്തിൽ ജൈവപച്ചക്കറി കൃഷി ആരംഭിക്കുന്നത്.

പാർട്ടി അംഗങ്ങളുടെയും അനുഭാവികളുടെയും വീടുകളിലും തിരഞ്ഞെടുക്കപ്പെട്ട സ്ഥലങ്ങളിലും ആണ് ജൈവ കൃഷി തുടങ്ങുന്നത്. കാർഷിക മേഖലയിലേക്ക് യുവാക്കളെ ആകർഷിക്കുന്ന ജൈവ കൃഷി പ്രോത്സാഹിപ്പിക്കുക എന്നിവയാണ് ജൈവ മിത്ര പദ്ധതിയിൽ ലക്ഷ്യമിടുന്നത്. കാർഷിക രംഗത്തെ വിദഗ്ധർ യുവാക്കൾ വിദ്യാർഥികൾ കർഷകർ എന്നിവർ അടങ്ങുന്ന സമിതികളുടെ നേതൃത്വത്തിലാണ് പദ്ധതി നടപ്പിലാക്കുന്നത്.

ജില്ലാ പ്രസിഡണ്ട് ഷിബു തെക്കുംപുറം അധ്യക്ഷത വഹിച്ചു. ടി.യു. കുരുവിള, ഫ്രാൻസിസ് ജോർജ്, സേവി കുരിശുവീട്ടിൽ, ജോസ് വള്ളമറ്റം, ലിസി ജോസ്, ബേബി വട്ടക്കുന്നേൽ, ജോണി അരീക്കാട്ടിൽ, വിൻസെന്റ് ജോസഫ്, ഷൈസൺ മാങ്കുഴ, ജോമി തെക്കേക്കര, ബേബി മുണ്ടാടൻ, ടോം കുര്യച്ചൻ, സോണി ജോബ്, എ .റ്റി. പൗലോസ്, സി.കെ.സത്യൻ, റോയ്‌സ് സ്കറിയ, കെന്നഡി പീറ്റർ, റോയ് മൂഞ്ഞനാട്ട് , കെ. വി . വർഗീസ്, ജോർജ് അമ്പാട്ട് തുടങ്ങിയവർ പങ്കെടുത്തു.

Continue Reading

Trending