കോതമംഗലം: ജോലിക്കിടെ ഷോക്കേറ്റ് കെ.എസ്.ഇ.ബി ജീവനക്കാരൻ മരിച്ചു. അടിവാട് തെക്കേ കവലയിൽ താമസിക്കുന്ന കിഴക്കേൽ വീട്ടിൽ പരേതനായ ഖാദറിന്റെ മകൻ ഷറഫുദ്ദീൻ (അഷറഫ്-50) ആണ് മരിച്ചത്. കൂത്താട്ടുകുളത്ത് കെ.എസ്.ഇ.ബി ലൈൻമാൻ ആയിരുന്നു. ഇന്നലെ ജോലിക്കിടെ കൂത്താട്ടുകുളം അറൂർ വച്ചായിരുന്നു ഷോക്കേറ്റത്. ഉടൻതന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
ഭാര്യ: റസീന, മകൻ: സുഹൈൽ, മകൾ: ഫാത്തിമ.

ഇടുക്കി: രാജാക്കാട് പന്നിയാർകുട്ടിക്ക് സമീപം സ്കൂട്ടറും ടാങ്കർ ലോറിയും കൂട്ടിയിടിച്ച് യുവാവ് മരിച്ചു. നേര്യമംഗലത്ത് താമസിക്കുന്ന കിളിയേലിൽ സന്തോഷ് (38) ആണ് മരിച്ചത്. പന്നിയാർ കുട്ടിക്ക് സമീപം എസ് വളവിലാണ് അപകടം നടന്നത്.  സന്തോഷിന്റെ മൃതദേഹം അടിമാലി താലൂക്ക് ആശുപത്രി മോർച്ചറിയിലേക്ക് മാറ്റി. നടപടികൾക്ക് ശേഷം മൃതദേഹം ബന്ധുക്കൾക്ക് വിട്ടു കൊടുക്കും. വെള്ളത്തൂവൽ പൊലീസ് മേൽനടപടികൾ സ്വീകരിച്ചു.

 

കോതമംഗലം : സ്വകാര്യ ബസ്സ് സ്കൂട്ടറിൽ ഇടിച്ച് പത്താം ക്ലസ് വിദ്യാർഥി മരിച്ചു.
പോത്താനിക്കാട് പൂമുറ്റത്തിൽ അനിൽ പി.പിയുടെയും ബീനയുടെയും മകൻ അബിൻ അനിൽ ( 15) ആണ് മരിച്ചത്.
ഇന്ന് രാവിലെ 8.30 ഓടെ പെരുനീർ ഭാഗത്ത് വച്ചാണ് അപകടം. കൂട്ടുകാരനോടൊപ്പം
ട്യൂഷൻ കഴിഞ്ഞു മടങ്ങി വരവെ ഇവർ സഞ്ചരിച്ച സ്കൂട്ടറിൽ റോസ് ലാൻ്റ് ബസ് ഇടിക്കുകയായിരുന്നു.
ഗുരുതരമായി പരിക്കേറ്റ അബിൻ അനിലെ തൊടുപുഴ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല
പരിക്കേറ്റ സഹപാഠിയെ കോതമംഗലത്ത് സ്വകാര്യ ആശുപത്രിയിൽ പ്രവേശിപ്പിച്ചു.

പോത്താനിക്കാട് സെൻ്റ് മേരീസ് സ്കൂളിലെ വിദ്യാർഥിയാണ് അബിൻ അനിൽ.
മൃതദേഹം മൂവാറ്റുപുഴ ജനറൽ ആശുപത്രിയിൽ പോസ്റ്റുമോർട്ടത്തിനു ശേഷം ബന്ധുക്കൾക്ക് വിട്ടുകൊടുക്കും.